PROPORSIONAL PARJAMBARAN

PADALAN JAMBAR JUHUT
DI ULAON SARI MATUA / SAUR MATUA


Panjouon ni parjambaran Goar ni jambar Namanjalo
Jambar Panamboli Panamboli Dongan tubu
Jambar Pamultak Pultahan Dongan tubu
Rukkung Rukkung Boru tubu dohot Simatua ni boru
Soit Nagodang Soit Dongan tubu marompu-ompu
Somba-somba nagok Rusuk Hula-hula ni hasuhuton
Tulang ni hasuhuton
Bona Tulang ni hasuhuton
Bona ni ari ni hasuhuton
Soit Panggohi/panggonopi Soit Dongan tubu
Jambar tu dongan sahuta Soit Dongan sahuta ni suhut
Gonting Gonting Dongan tubu na humolang
Tanggalan Rukkung Rukkung / Sibuk Iboto ni suhut /Simatua ni iboto
Namboru ni suhut / Simatua na
Boru Ama martinodohon
Boru Ompu martinodohon
Somba-somba Rusuk marponggol
+ sibuk Angka Hula2 pangalapan boru di na sa hasuhuton
Angka Hula2 pangalapan boru
Sian Ompu martinodohon
Bonabona / Simanjungkot Hae Bona Molo hula/ tulang mangalampisi
Upa Panambak Hae bona Sian dongan tubu
Upa partukkang Sasap Sian dongan tubu
Parsarune Aru-aru + sibuk Parmusik
Angka sitoho-toho Pat sahat tu tambirik Ale-ale ni suhut
Jambar tu Pangula ni huria Sibuk Pangula ni huria
Pasahaton ma jambar tu sude unsur na ro di ulaon i.

Hatorangan
1. Molo adat di Silindung dohot Humbang,
Ulu ndang dibagi (tinggal do di hasuhuton i), ima di lompa nasida songon sitarahuak, dung sae manuan ompu-ompu.
Ihur-ihur pe ndang dibagi (tinggal do i di na sahasuhuton = Upa suhut), sudema nasida na sahasuhuton mambagi i, ima angka na marharugian tu ulaon i.
Ala ni na dua pangalaho na di ginjang i, ido umbahen na sai didok par Toba, ndang malua horbo ni par Silindung dohot par Humbang sian barana, ala hot di hasuhuton Ulu dohot Ihur-ihur.
2. Ia jambar tu tulang Rorobot ndang langsung i dijouhon, alai di tingki dijouhon somba-somba nagok tu hula-hula, ihut ma dijouhon jambar tu raja na ginokhonna (lapatan ni raja na ginokhonna, ima hulahula ni hulahula = tulang rorobot)
3. Di Bona pasogit, 3 tingkat do Hulahula ( Hulahula ; Tulang ; Bonaniari )
4. Molo di Marga Sipahutar ulaon :
- Suhut di O.Mandalo, na opat ompu ma Panamboli (Sahata, Rido, Partuhoran, dohot
Raja Silaing)
- Suhut di O.Mandalo (di Namora Tangguon), O.Paung Bosar ma Pamultak
- Suhut di Marga Sipahutar, Pomparan ni Datu Dalu ma manjalo Gonting.
- Soit na godang : sude ompu na 9 i manjalo soit (dijou marompu-opmu)
- Soit Pangganupi : ima tu angka ompu anak ni na 9 ompu i.
5. Somba-somba nagok,
Domu dope rusuk i di hau tanggurung, Hula-hula dohot Tulang ma hasahatan ni i.
6. Somba-somba tu angka Hulahula pangalapan boru, ima angka rusuk namarponggol.
Ia di rusuk i, otik do sibuk disi, ala ni i tingki pasahat somba-somba tongtong ma bahenon mardongan sibuk na martanggo manang himpal,
7. Sude do ingkon parjambarhononton angka unsur na ro tu ulaon i.

Songon i ma saotik laho mangurupi hita pasahat jambar juhut di ulaon sari matua manang saur matua.



JAMBAR JUHUT DOHOT HASAHATANNA

Goar ni Parjambaran: Hasahatan dohot Hatorangan:

Osang 1. tu Hulahula
Osang do na manjalo sipanganon dohot baba. Hulahula do silehon angka hata pasupasu asa denggan angka ngolu. Si siuhon do osang ni Hulahula asa uli rohana dohot tondina mamasumasu anakhonna.